Mbretëria ilire në Indi

Ilirët e Baktrisë (mbretëri ilire pas-aleksandriane) të prirë nga Demetri i Parë dhe nga Menandri, shumë kohë pas vdekjes së Aleksandrit të Madh, e pushtuan një pjesë të madhe të Indisë rreth vitit 200 p.e.s. Trojet e pushtuara ishin shumë më të mëdha se ato që pushtoi Aleksandri i Madh në Indi.



Hartë e Ptolemeut ku në pjesën e Indisë shihen "Bjeshkët e Menandrit" (qendra e hartës)



Lista e mbretërve ilirë në Indi

Para-ardhësit e kalashëve, khovarëve dhe nurestanëve, në atë kohë ishin fise të pastra ilire, dhe u qeverisën për dy shekuj rresht nga një shtet kombëtar i tyre. Gjuha e këtyre fiseve ilire, si edhe gjuha amtare e sundimtarëve të kësaj mbretërie ishte shqipja e lashtë. Helenishtja ishte vetëm një gjuhë konvencionale, një lingua franca që përdorej në tregti, shkencë, komunikim ndërkombëtar, diplomaci etj. Vendasit kanë folur gjuhët e tyre lokale, por shqipja ka lënë gjurmë në gjuhët e tyre. Ndër të tjera në sanskrit u huazua fjala 'kalem' (kalamo), dhe 'fre i kalit' (khalina).

Ushtarët ilirë ishin të armatosur me heshta, shpata dhe harqe. Përveç kalorësisë kishin edhe elefantë. Numri i ushtarëve ishte shumë i madh. Një sundimtar indian i quajtur Kalinga kishte 60.000 këmbësorë, 1.000 kalorës dhe 700 elefantë por ai e konsideronte ushtrinë ilire të Dhemetriut "shumë të madhe". Ndërsa shkrimtari romak Justini shkruan se ushtria e Dhemetriut të Dytë i kishte 60.000 ushtarë.

Komandant ilir në Indi (viti 90 pes)


Mbretëria ilire e Indisë zhvilloi tregtinë detare në Oqeanin Indian, ku për herë të parë u bë lundrimi nga Egjipti në Indi. Anijet qarkullonin nga Egjipit Ptolemean (Deti i Kuq) dhe arrinin në deltën e lumit Ind. Eudoksi i Kyzikut raporton për një udhëtim të suksesshëm rreth vitit 130 pes ku një anije e mbushur me parfume dhe gurë të çmueshëm arriti në Indi. Aty kah fundi i mbretërimit të ilirëve, për çdo ditë 120 anije arrinin nga Egjipti në Indi përplot me mallra. Bëhej tregti edhe me Kinën, nga ku importohej dru bambusi. Sasia e madhe e monedhave në përdorim dëshmon një veprimtari të madhe xehetare.

Pamje nga kremtet e Dionysit