Monedhat arbnore

Tregues i zhvillimit ekonomik dhe i rritjes së vëllimit të tregtisë në qytetet e Shqipërisë është edhe qarkullimi i madh i monedhave. Përdoreshin që nga monedhat me vlerë të veçantë prej ari, si ato të Bizantit (hyperper, nomisma, emmanuelata), dukati i Venedikut e fiorini i Firences, deri te monedhat prej argjendi, bronzi e bakri, si groshi, denari, stamena etj.

Rritja e autonomisë së qyteteve dhe krijimi i principatave të pavarura shqiptare në shek. XIV-XV u pasqyrua edhe në prerjen e monedhave vendase. Monedhën e vet e kishin në këtë kohë Shkodra, Ulqini, Tivari, Drishti, Shasi (Souacia).

Monedha e Shasit paraqet, në njërën anë, kështjellën e qytetit me shkrimin latinisht Civitas Souacia, kurse në krahun tjetër mban figurën e padronit të qytetit, Shën Gjonit.

Monedha të tyre prenë edhe sundimtarë të fuqishëm shqiptarë, si Gropajt e Ohrit e Balshajt e Shkodrës. Monedha e Gjergjit II Balsha ka në njërën anë padronin e qytetit të Shkodrës, Shën Stefanin, kurse në anën tjetër simbolin e Balshajve, ujkun, të rrethuar nga emri në latinisht i Gjergjit.

GROSHI I BALSHAJVE - monedha arbërore mesjetare



Monedha përmbante 0.9 gram serm

Në obverz shihet ujku simbol i balshajve dhe i Ulqinit. Përreth ujkut shkruan M ALSE GE GORGIO - STRACIMIRI·

Në Reverz shihet Shën Laurenci, dhe përreth tij legjenda S LAVRE·NCIVS M·

Kjo monedhë u shtyp gjatë viteve 1403-1421, në Tivar, me teknikën e farkimit me çekan.


Ja të gjashtë verzionet: