Njësi madhësie të përdoruna ndër shqiptarë në të kaluemen

DËRHEMI – 1/400 e okës, 2.5 gram, dërhemi rrjedh nga 'drahmi' i lashtë helen,
OKA – 400 dërhem, 1,408 kg

BROJCA – masë drithi (1/2 kilo)
KORRIQJA – masë drithi, 1 okë + 100 dërhem (gjithsej 1.658 kg)

KARROQJA – masë drithi 8 deri 10 kilo (sipas Spiro Shkurtit është 5 kilogramë)
BABUNJA - një babune është barazi me 10 kg
UJEMSA – masë drithi prej 20 kg
BROKJA - 25 kg
QASJA – masë drithi dyzetë kilogramësh (sipas S. Shkurtit është 50 kg)
KOSHIQI – masë drithi, 25 okë (sipas S. Shkurtit, kushiqi = 15 kg)
TAGARI – masë 44 okësh
KILLA – masë prej 40-45 okë, baras me dy shinikë
QILLA – masë drithi prej 60 okësh
SHEKA – masë drithi, shinik, sheke, sheqe
SHINIKU – masë për drith, diku 45 okë, diku 100 okë; një barrë kali, ndahet në 4 çereke (sipas S. Shkurtit ëshë 50 kg)

QINDARJA – ¼ e okës, për lëngje
STARA – masë prej 20 okë vaj

BARRA – masë peshe prej 100 okë, ose sa mban një kalë
KARRIQI – një barrë drith
HUNI – masë drithi prej 100 okë, ose një barrë

DITARI – njësi toke, për sa mund të punojë një pendë kije për një ditë ; pendë dheu
DYNYMI – masë toke, 1000 metra katrorë, dylym
VRETENI – masë toke, pak më shumë se një dynym
STREMA – një masë toke afër një dynym

SFURQIA – bërçik, piçik, furmaçkë, përçik, sufluk, (njësi gjaësie nga maja e gishtit të madh deri te maja e gishtit tregues apo lëpis, duke i hapur këta dy gjer në fund)
PËLLAMBË - pëllëmbë, masë gjatësie nga maja e gishtit të madhe deri te maja e gishtit të vogël, duke i shtri këta të dy mbi sipërfaqen që matet)
KAMBË - masë gjatësi sa shputa e kambës, që matet duke ecun me shputata e kambës të vueme ngjitun njana mbas tjetrës
HAPI – masë gjatësie mes njanës kambë dhe tjetrës gjatë ecjes, 70 deri 90 cm
KUTI – njësi mase prej 80 cm, për të matur pëlhura,
HOSTENI – masë gjatësie, masë kohe etj
PASHI – masë gjatësie, sa hapen krahët horizontalisht