Zejegatimi besëlashtë

Vështrime të ndryshme nga zejegatimi besëlashtë.

- Zejegatimi besëlashtë përmban brenda vetes tanë zejegatimin shqiptar popullor, por duke vu oroe që nuk pranohen gatojcat lindore që kanë mbetun nga pushtimi turk si bakllavaja, tullumbat, kadaifi etj., si dhe gatojcat perëndimore moderne e postmoderne, apo çfarëdo gatojce që s'i takon qytetnisë tonë.

- Zejegatimi besëlashtë përmban brenda vetes tanë zejegatimin ilir dhe thrak. Këtu shërbehemi me të dhâna nga shkrimet e autorëve klasikë, nga të dhënat arkeologjike, si fara pemësh, enë balte etj.

- Zejegatimi besëlashtë përmban brenda vetes edhe ndikimin ilir e thrak mbi zejegatimin e lashtë grek siç janë kykeoni, medosi, etj.

- Randësi të veçantë paraqesin gatojcat e caktueme vetëm për kremte si kullanat a kolendrat për Buzëm, flija për Kryet e Motmotit, pastaj gatojca për lindje të fëmiut, e raste tjera kremtore.

- Randësi kanë edhe mënyrat e gatimit në gjelbërim të hapun (a.q. 'piknik"), si edhe ushqimi i pasun e që ruhet për kohë të gjatë, për besëlashtët që i dëshirojnë shetitjet dhe udhëtimet e gjata nëpër male.

- Zeja e tharmosjes (fermentimit) paraqet një kaptinë më vete, e që përfshin të gjitha mënyrat popullore të tharmosjes së pijeve alkoolike, bulmeteve, brumnave, mishnave, perimeve të shllinta (a.q. turshi), uthullës, etj.

- Po në këtë degë forumi, do të flasim gjanësisht edhe për enët e gatimit a të ngrânies, nga balta, druni, metalet, qelqi, lëkura, dhe për vegla tjera që përdoren në gatim, si tpini a magjja.

- Kohët e shujtave poashtu janë një vështrim i randësishëm i një qytetnie, ndaj do të flitet për to gjanësisht.

- Vështrime tjera: agjënimi për arsye besimi a shërimi, regjimet ushqimore si vegjetarian, vegan, paleo, keto, si dhe të dhâna mbi nutricionizmin.