Falsifikimi i prodhimeve

Falsifikimi âsht një veprim i pandershëm dhe i damshëm në ekonomi e tregti me ç'rast, një gjasend pa vleftë a me vleftë të ultë paraqitet si diçka shumë më i vlefshëm, ose një prodhimi të shtrenjtë e cilësor i shtohet një sasi e prodhimit të keq e që kushton lirë me qëllim që të nxirren përfitime të pandershme e të padrejta.

Përvoja njerëzore njeh falsifikimin e parave, dokumentave dhe mallnave si p.sh. ushqimet, pijet, barnat shëndoshëse, rrobet, etj. Në këtë temë përqëndrohemi në këto llojet e fundit pasiqë lidhen drejpërdrejt me tematikën e nënforumit të kimisë, duke i lanë anash falsifikimin e parave e të dokumentave që munden me u trajtue diku tjetër.


Jean-Baptiste-Alphonse Chevallier
19.07.1793 – 29.11.1879

Kimisti freng Shevalje (Jean-Baptiste-Alphonse Chevallier 19.07.1793 – 29.11.1879), dha ndihmesë të madhe në vendin e vet, duke zbulue mënyra të ndryshme për me dëshmue flasifikimin e prodhimeve të ndryshme ushqimore dhe shëndetësore.

Në veprën e tij dyvëllimshe Dictionnaire des altérations et falsifications des substances alimentaires, medicamenteuses et commerciales ai tregon mënyrat e falsifikimit dhe mënyrat për me zbulue.

Ai dinte si vijon:
- 6 mënyra për sheqerin
- 9  për vajin e ullinit
- 10  për gjalpin (tlyenin)
- 12 për krypën
- 19 për qumështin
- 20 për bukën
- 23 për rakinë
- 24 për miellin
- 28 për çokollatën
- 30 për venën
- 32 për kafen

.