A kam te drejte?

Pershendetje, a me lejohet te martohem, me nje
Burre qe i perket nje besimi abrahamik?

Përshëndetje Zana

Në bazë të pyetjes që ke bërë, po marrim guximin të të konsiderojmë besëlashtë, prandaj edhe pyet me siguri.

Së pari kushti i parë për një femër besëlashtë është të gjejë burrin shqiptar. Martesa me burrë të huaj është e ndaluar në besëlashtë. Së dyti ky shqiptar poqese është abrahamik, ai duhet të pranojë të rikthehet në fenë e të parëve ilirë, e pastaj t'i pranohet atij kërkesa për martesë. Një femër besëlashtë nuk mund të marr burrin abrahamik e ai të vazhdojë me fenë e çifutëve ose arabëve.

Me rastin e martesës, bëhet edhe konvertimi. Vetë kunorzimi me atë rast është një ritual sa i martesës po aq edhe i konvertimit. Në rast të kundër nëse vajza besëlashtë martohet me abrahamik (kristian apo islamik), dhe ai vazhdon me fenë e vjetër, atëherë ajo ka marrë rrugë të keqe, dhe ekskomunikohet.