Datat e vërteta të shenjave të zodiakut

Yllësitë kanë lëvizur mjaftueshëm për 2000 vitet e fundit, saqë tani në atë interval kohe ku mendohet se është shenja e dashit, mund të jetë shenja e peshkut.

Horoskopët e sotëm ende përpilohen duke u bazuar në pozicionin e yllësive ashtu siç ishte para 2 mijë vitesh. Por sot kushdo që ka interesim në astrologji apo përcjell horoskopin në ndonjë rast duhet të llogarisë një shenjë prapa: kush mendon se është lindur në shenjën e Ujorit, në të vërtetë është lindur në shenjën e Bricjapit, ose kush mendon se ka lindur në shenjën e Bricjapit në të vërtetë ka lindur në shenjën e Shigjetarit e kështu me radhë.

Në lidhje me këtë ka dhe një koncept tjetër, ai i "periudhës astrologjike". Ka 12 të tilla që përsëriten në rreth (cikël), dhe secila prej tyre zgjat afërsisht 2160 vjet. Që nga fillimi i erës sonë ekuinoksi pranveror gjendet brenda intervalit kur Dielli hyn në shenjën e peshqve, ndaj kjo është konsideruar si periudha e Peshqve. Prandaj krishterimi që u krijua dhe u zgjerua që në fillim të kësaj periudhe, u konsiderua si fe e kësaj periudhe, dhe Krishti një kohë të gjatë është paraqitur si peshk. Tani gradualisht jemi duke iu afruar epokës së ujorit, por ka edhe të tjerë që mendojnë se ne tashmë kemi hyrë në këtë epokë. Më poshtë është një listë të shenjave të zodiakut dhe kohën e vërtetë kur Dielli hyn në secilën prej tyre.