FORUMI BESËLASHTË SHQIPTAR
Would you like to react to this message? Create an account in a few clicks or log in to continue.
FORUMI BESËLASHTË SHQIPTAR

Forumi i Bashkësisë Besëlashtë / Forumi i parë pagan shqiptar në internet / Mirë se vini / Regjistrohuni dhe mësoni më shumë rreth nesh
 
ForumForum  Latest imagesLatest images  RegjistrohuRegjistrohu  identifikimiidentifikimi  

 

 Albaniada

Shko poshtë 
AutoriMesazh
Tomor
ADMIN
Tomor


Numri i postimeve : 668
Join date : 17/03/2013

Albaniada Empty
MesazhTitulli: Albaniada   Albaniada EmptySat 23 Aug 2014, 17:55

“Albaniada”, promovim dhe kultivim i trashëgimisë kulturore me karakter garues

Albaniada 18_09_13_2528_18_09_13_29177_albaniada

25.09.2013

Në fshatin Kukaj, afërsisht 30 km në Lindje të Prishtinës, gjatë dy ditëve të fundjavës u mbajt edicioni i dytë i lojërave tradicionale “Albaniada”, ngjarje në të cilën u shpalosën pjesë të etnosit, përmes lojërave, muzikës, humorit e valles. Pjesëmarrësit që garuan në 20 lojëra, krijuan situata argëtimi të cilat e bënë edhe më tërheqës këtë organizim që u vlerësua si pjesë e rëndësishme e promovimit dhe kultivimit të trashëgimisë sonë kulturore.

Në këto lojëra u fituan 60 medalje në disiplina të ndryshme, si: Kapuça, Kut e Kleçkë, Guxhas, top-n-kali, thyerje (rrëzim) e duarve, vrapim me thes, thyerje (rrëzim) e këmbëve, rrasash, marrja e shamisë,tërheqja e litarit, gurapesh me dy duar anash, gurapesh prapa, dhe gurapesh me një krah, etj.

Në hapjen e këtij edicioni ishte ministri i Kulturës, Rinisë dhe Sportit, Memli Krasniqi, që së bashku me organizatorin e kësaj ngjarjeje Ekrem Tahirin, bënë ndezjen e flakadanëve, duke shënuar fillimin e garave. Ministri Krasniqi vlerësoi se përmes ngjarjeve të këtilla kontribuojmë në mbrojtjen, ruajtjen dhe kultivimin e trashëgimisë sonë kulturore.

“Në edicionin e dytë të ‘Albaniadës’ jemi mbledhur për të promovuar pikërisht një nga ato elementet më të rëndësishme të trashëgimisë sonë, e që janë lojërat dhe sportet tona tradicionale. Nëse në edicionin e parë ‘Albaniada’ kishte në qendër të vet promovimin e kësaj pjese të rëndësishme të trashëgimisë tonë, më vjen shumë mirë që këtë vit, ka arritur që elementit të promovimit, të ia shtoj edhe atë të garimit, që gjithmonë kanë qenë pjesa më interesante e këtyre sporteve tradicionale shqiptare”, ka thënë Krasniqi në ceremoninë e hapjes.

Ai gjithashtu shprehu se ka qenë qëllim i MKRS-së se përmes aktiviteteve të natyrës siç është edhe ky aktivitet i trashëgimisë, që të bëhet zgjerimi dhe të ketë pjesëmarrje më të madhe dhe t’i tejkalojë edhe kufijtë gjeografik të Kosovës. “Është qëllimi dhe objektivi ynë që në vitet e ardhshme të Albaniadës të ketë edhe me shumë sporte dhe lojëra, pjesëmarrës dhe ekipe në mënyrë që sportet dhe lojërat tona tradicionale të përfaqësohen këtu edhe nga një numër më i madh i rajoneve të trojeve shqiptare, duke kaluar Kosovën, duke perfshirë edhe rajonet tjera kudo ku frymojnë dhe kanë frymuar për shekuj me radhë shqiptarët,” tha Ministri i Kulturës, Memli Krasniqi.

Ky aktivitet kulturo-sportiv dalëngadalë po e merr formën e vet dhe në këtë edicion është zgjeruar edhe përtej karakterit promovues të trashëgimisë kulturore ku është përfshirë edhe ai garues. Ndërkaq, organizatorët e aktivitetit tashmë tradicional “Albaniada”, në këtë edicion të dytë premtuan se në të ardhmen do të zgjerojnë ngjarjen me lojëra të tjera dhe në tërë hapësirën mbarëshqiptare.

Albaniada 18_09_13_72669_18_09_13_78119_3

Albaniada 18_09_13_89956_18_09_13_84035_8

Albaniada 18_09_13_43211_18_09_13_132956_5
Mbrapsht në krye Shko poshtë
https://zojsi.albanianforum.net
 
Albaniada
Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
FORUMI BESËLASHTË SHQIPTAR :: Edukim fizik :: Lojna popullore-
Kërce tek: