Poezi të përzgjedhura

Zanë Mali: ME NURIN E ZANËS FLOKË ARI

Shkronjat e ngrohta u strukën
Nën qetësinë e muzikës klasike
tik-taket pësuan aritmi
të çastshme
frymëmarrja theu
rekorde ofshamash
zemra mori funksionin e lukthit
përbiu një për një qelizat
pa membranë
rrjedhja e citoplazmës
kaotike dëftoi
pasionin e damarëve poetikë
për të shënjuar dritën e shenjtë
trupave të çiltër tek ai gur i zi
që buron me nurin e zanës
flokë ari
në emër të atit e të birit
e të shpirtit të shenjtë
me porosi hyjnore për brezat
aty ku ka ujë, ka dashuri e jetë.

alb-spirit

Zanë Mali: VALS I PAPARË

Vrapoj pas gjetheve

që i përdredh era

për t’i paluar një nga një

në trupin tënd të ngrohtë.



Një mozaik me ngjyra stinësh

më fton në ekspozitën

që hapet solemnisht me puthje.



Ç’mrekulli

një vals i paparë luhet syve të mi.



Burimi: Link

AFSHËM TË ADHUROJ

Ëndrra ime kahmotshme
më eksiton mëngjes e mbrëmje
deri në dehje
Afshëm të adhuroj
nga kënaqesia uluris
si e marrë xhelozoj nurin tënd
Inatçor i madh je i dashur
pa e rindezur sërish pasionin tim
të shafitur
nuk ndalesh

Më ndjek butësisht qenia jote e çiltër,

me hapat që ritmëtojnë udhëve.



Hapësirave imagjinare piklat e shiut

rishtas i ndjej

ditën kur do të vish.



Ti fluturon shkëlqimit të syve të mi

nën qiellin vjollcë

e vjen.



Frymëmarjen e munguar fitoj

e përhumbem ëmbëlsisht fytyrës sate.



Më drithëron prekja jote

poreve të shpirtit e në secilën qelizë

më mbështjell me kënaqësi.



Asnjë fjalë të vetme nuk e dëgjova

duke i shijuar shikimet tua lozonjare

ëndrrat të mia të çmendura

për buzën tënde të poshtme

zjarrin në të cilin doja të digjesha

të vdisja e të ngjallesha

përsëri vetëm për ty.