Afërdita

Njihet me emra të ndryshëm, si Afrodite, Zeirene, Turan, Prenda, Anzotika, Iria, etj.

Altar lutës kushtuar Anzotikës nga Liburnët


Shtatore e Anzotikës me Priapin tek këmbët

Afërdita – hyjneshë e dashurisë, e pllenimit, dhe e bukurisë. Sipas Homerit Afërdita ishte e bija e Zeusit dhe e Dionës (Zoti dhe Zonja). Përmes bijës së saj Harmonisë, ajo ishte edhe stërgjyshe e ilirëve. Ajo përkrahu trojanët dhe ndërhyri për të mbrojtur Paridin, Eneun dhe trupin e Hektorit. Një nga vendet kryesore të kultit të Afërditës ishte qyteti Pafia në Qipro, prej nga rrjedhin epitetet Afërdita Qiprida, Afërdita Pafia, hyjnesha e Pafisë etj. Si hyjneshë e detit, asaj i kishin kushtuar delfinin, kurse si hyjneshë e pllenimit i kishin kushtuar pëllumbin, lepurin etj. Atribut i përhershëm i hyjneshës ishte brezi i saj i çuditshëm, në të cilin fshihej sekreti i bukurisë së saj. Gratë që martoheshin i dhuronin Afërditës breza që i endnin vetë.