Batha e detit

Ceratonia siliqua

bathë deti, rogovecë, çiçibanoz, çiçibunjë

Batha e detit, përkatësisht farat e saj të nxjerra nga bishtajat, shërbejnë:
- si ushqim njeriu, ngjashëm si fasulja
- ushqim kuajsh
- për prodhim të çokollatës alternative (vendore)

Dimri është shumë afër, artikujt e shëndetshëm na janë të domosdoshëm: Me bathë deti kundër migrenës dhe diabetit

Ndonëse është shumë afër dimri, edhe në këtë periudhë mund të kënaqemi me të mirat e natyrës dhe me artikujt e saj të shëndetshëm

Një ndër ta janë edhe bishtajat e bathëdetit (Ceratonia siliqua), cilësia shëruese e të cilave ndihmon te shumë sëmundje. Përmbajnë hekur, magnez, kalcium, natrium, kalium…

Janë të pasura me vitaminat A, B1, B2, B3, B6, B9, C dhe E.

Bathëdeti është antioksidant i fuqishëm, përdoret edhe në shërimin e diarresë, problemeve me tretjen dhe djegësirën.

Hulumtimet kanë treguar që kjo bimë mediterane ndikon në përmirësimin e nivelit të lipideve te personat me peshë tepër të madhe trupore.



Përdoret në ushqimin dietal dhe si zëvendësim i shkëlqyeshëm për çokollatën. Edhe pse ka shije ndryshe nga çokollata dhe dy të tretat më pak kalori, është shumë më e shëndetshme, andaj u rekomandohet të sëmurëve nga diabeti por edhe si terapi ndihmëse.

Është i shkëlqyeshëm kundër migrenës, nervozës dhe problemeve të tjera.

Fjala është për artikullin natyral të ëmbël, andaj me rastin e përgatitjes së ëmbëlsirave me bathëdet përdoret më pak sheqer se te ëmbëlsirat me kakao.

Nga farat e bathëdetit, që janë mjaft uniforme në masë (0.2 gramë), rrjedh edhe njësia matëse 'karat', që më vonë u bë edhe njësi e pastërtisë së arit. Solidusi, paraj e artë e kohës së Kostandinit u farkua me peshë sa 24 fara bathëdeti (gjithsej 4.8 gramë)