Shqipëria ç’ka qenë, ç’është e ç’do të bëhet nga Sami Frasheri (VIDEO)

Shqipëria ç’ka qenë, ç’është e ç’do të bëhet nga Sami Frashëri
Vepra e Sami Frashërit është një nga falsifikimet madhore të historisë, gjuhësisë dhe mitologjisë, një manifesti politik i shkruar shkel e shko, një manifest ideologjik i mbushur me gabime e pasaktësi. U botua në Bukuresht më 1899, në prag të ngjarjeve të mëdha do të çonin në fitoren e pavarësisë. Për këtë, shqiptarët duhet të ishin të përgatitur, të kishin programin e luftës dhe të ndërtimit të shtetit të ri por rilindasit shqiptarë nuk ishin të pregatitur me nivel shkencor për t'u përballur me sfidat e kohës. Duke përgjithësuar përvojën e gjeratëhershme të lëvizjes kombëtare, kjo vepër e plotësonte më së miri këtë mision për popullsinë analfabete shqiptare, ndërsa elitat intelektuale Euripiane e pritën librin ftohtë dhe me sy kritik si një vepër amatore, e cila në fakt e dëmtoi imazhin e shtetit të ardhsëm shqiptar në botë. Gjithashtu ky libër shkaktoi një dëm të paimagjinueshëm në gjirin e inteligjencës shqiptare, e cila u përpoq ta imitonte këtë manifest me libra të ngjashëm patriotikë, por jo shkencorë, duke krijuar bindjen në qarqet politike, se ishim një popull injorant, që nuk kupton historinë dhe simbolet mitologjike të vetë paraardhësve tanë ilirë. Si rezultat përpjeka e dëshpëruar e rilindasve jo vetëm që nuk solli fryte, por u bë shkaku i copëtimit të Shqipërisë mes shteteve fqinjë, të cilët arritët ta bindin qeveritë Europiane të asaj kohe, se shqiptarët nuk ishin pasardhës të Ilirëve dhe Albanëve por Turq, Myslimanë të ardhur në tokat Ilire.