Shenjat diakritike

Ata që kanë vendosur standardin e kanë paraparë që shqipja nuk paska nevojë për shenja diakritike. Më duhet të numëroj shembuj ku shqipja ka nevojë për shenja diakritike dhe se çështja nuk është zgjidhur nga këta baballarët e gjuhës, por vetëm është injorur dhe injorimi është konsideruar zgjidhje

1. ...tani han dhe (është "han dhé" apo "han dhe..."), disa gjëra nuk i lihen kontekstit

2. shkrebëz, shkemëz, vegëz, nuk dihet ç'mbaresë marrin në të shquar 'a apo i? shkrebëzi apo shkrebëza?pavarësisht se folësi mund të jetë njohës i mirë i shqipes, por kjo nuk mund t'i lihet rastësisë, pra kjo gjë mund të dihet me anë të shenjave diakritike, pasi mashkulloret e kanë E-në e patheksuar, kurse femërorja E-në theksuar

3. dy meshkuj, dy femra, fjala DY dallon në këto dy raste për kah theksi, te meshkuj është DY te femrat është DÝ

4. AI U BË DHE PASI DËGJOI SE E KISHTE LËNË E FEJUARA

Një fjali e tillë ka nevojë të lexohet deri në fund për t'u kupuar konteksti, dhe vetëm më pas e kupton që fjalën 'dhe' e ke lexuar gabimisht si lidhëz "dhe" e jo si "dhé" dhe duhet t'i kthehesh dhenjëherë ta lexosh fjalinë nga fillimi.

Përfytyroni sikur fjali të ndërtuara nmgjashëm jeni duke i lexuar në ndonjë simpozium letrar ose çfarëdo vendi publik?

Ja dhe një shembull nga Fridrih Niçe, se si gjërat nuk duhet t'i lihen kontekstit.

" - sepse unë dua edhe kishat, edhe varrezat e perëndive, kur qielli ndrin i kthjellët përmes fytyrave të tyre të rrënuara; me dëshirë ulem si bari dhe lulëkuqja e purpurt pranë gërmadhave të kishave - "

Tani, në citatin sipër nga Niçe, gjatë leximit nuk kemi si ta dimë nëse duhet të "ulem si bári" apo të "ulem si barí (çoban)". Në fund të fjalisë ne po e kuptojmë që bëhet fjalë për 'bári', por kur përfundon fjalinë është vonë: ju tashmë keni thënë "si barí" në sytë e një publiku të tërë, keni bërë gabim trashanik në skenë ose para kamerave etj.

Prandaj kush është kokëfortë si mushka le të godasë murin se i zbutet koka: nuk na kushton gjë një shenjë diakritike. Mospërdorimi i shenjave diakritike në shqip, nuk është rregull primordial që t'i përmbahemi me aq fanatizëm: është rregull i caktuar konvencionalisht, dhe madje i gabuar (për këtë po dëshmojnë shembujt e sjellur nga unë)

ka plot raste tjera, që ju ftoj t'i grumbullojmë; reaksioni është idiotësi, njerëzit që kanë kërkesa më të mëdha kanë përparësi janë më të rryer me nevojat dhe nuk flasin kot, ata që kundërshtojnë nuk janë provuar pandaj u mjafton ajo qetësia e tyre, dhe nuk shohin nevojë për ndryshim, por kjo nuk e arsyeton qëndrimin e tyre