Është e frikshme dhe e rrezikshme lidhja mes Kapitalit dhe Ideve Majtiste. Të shtyrë nga etja për më shumë pasuri, borgjezia ka synim të mbush vendin me të huaj gjë që çon deri te ndërrimi i strukturës etnike dhe vë në dyshim përkatësinë e trollit tonë. Atyre u levërdis që të ketë më shumë punëtorë, që përkthehet në më shumë konkurrencë, dhe rrjedhimisht paga më të ulëta.
Synimi tjetër qëndron te ikja e përgjegjësisë për të ngritur breza të rinj. Në mënyrë të tërthortë kjo përgjegjësi bie mbi borgjezinë, pasiqë ata duhet t'i paguajnë klasës punëtore një pagë të mjaftueshme për të mbajtur veten dhe pasardhësit në mënyrë që të ketë vazhdimisht klasë punëtore të mjaftueshme për treg.
Por nga lakmia, borgjezi synon që në këtë mes të zhdukë fare idenë për të lënë pasardhës, në këtë mënyrë njerëzit janë të kënaqur me pagë më të ultë, ndërsa për punëtorë marrin emigrantë që janë lindur e rritur diku tjetër, janë shkolluar diku tjetër, në një vend me shpenzime të krejt tjetërkujt.
Kështu gjithë investimi në përgatitjen e klasës punëtore u bie si barrë vendeve të varfëra eksportuesë të klasës punëtore, ndërsa borgjezia e Evropës i merr të gatshëm.
Kjo vërehet edhe në Evropën perëndimore ku mburren me standardin e lartë por në të vërtetë, kanë pak fëmijë, ose nuk kanë fëmijë fare, atëherë natyrisht që u duket paga e lartë, duke mos pasur shpenzime për mbajtje të fëmijëve. Kështu u mohojnë punëtorëve të drejtën themelore të jetesës që është lënia e pasardhësve, vetëm e vetëm për përfitime të tepruara që në të vërtetë nuk u takojnë.
Krejt kjo politikë e mbrapshtë që është një "vrimë e zezë" demografike, që përpin popuj e popuj duke i çuar ata në asgjëkund, duke i zhdukur fizikisht, është një kopjim pervers i politikës romake në kohën antike, kur importonte skllevër që i zinte nëpër luftëra anë e kënd botës së atëhershme, ndërkohë që nuk kishte llogari të rriste skllevër nga fëmijëria, e as të paguante punëtorë mëditës, duke qenë se vazhdimisht importonte skllevër nga viset ku luftohej.
Prandaj të gjitha përrallat për "bashkim-vëllazërim", "multi-etnicitet", "kozmopolitizëm", "internacionalizëm", "anti-fashizëm", nuk i marrin me sinqeritet as ata që i promovojnë vazhdimisht e që janë në krye të organeve që i çojnë përpara si agjenda, por në fakt janë një propagandë që u levërdis borgjezisë së sotme, të cilët kanë humbur çdo sentiment kombëtar dhe atdhetar, dhe shkelin të drejtat themelore të popujve: e drejta e atdheut, e drejta e vazhdimësisë së jetesës, e drejta e ruajtjes së origjinalitetit dhe identitetit, dhe krejt këto shkelje me të vetmin motiv për t'u pasuruar e jetuar në luks.
_________________
Mos i shko në qafë shoqit, nepi shkaf i përket, e jeto nierxisht. Mi kto âsht ngrehë ajo nertesë e madhnueshme qi i thonë shoqni, njeky âsht Kanuni i shoqnis! - Shtjefën Gjeçovi