Ajka
Numri i postimeve : 19 Join date : 19/03/2013 Age : 36 Location : Tirane
| Titulli: Punimi i qirinjve Thu 06 Apr 2023, 14:25 | |
| Populli ynë gjithmonë ka prodhuar vetë qirinjtë, qoftë për nevoja të ndriçimit, për matje të kohës ose për ndonjë ritual a ceremoni. Edhe sot është lehtë të prodhohen qirinjtë. Materiali për prodhim qirinjsh është dylli i bletës ose dhjami i shkrirë i bagëtive. Dylli i bletës është më i kushtueshëm, mirëpo dhjami jep një erë të pakëndshme. Mënyra më e thjeshtë është kjo: shkrijmë dhjamin në një enë të thellë, duke qenë thellësia e barabartë ose pak më e madhe se gjatësia e qiriut që e punojmë. Aty fusim një fill pambuku ose konopi (ky i fundit është më i mirë për qirinj), dhe dhjami i ngjitet fillit, të cilin pastaj e nxjerrim dhe e ftohim, kështu dhjami ngrihet. Pastaj sërish e fusim në dhjamin e shkrirë, duke iu ngjitur një shtresë tjetër, dhe sërish e ftohim. Duke e përsëritur këtë veprim qiriu vje duke u trashuar, shtresë pas shtrese, derisa të marrë gjerësinë e dëshiruar. Mënyra tjetër është me mille (kallëpe), të cilat mund t'i punojmë edhe vetë nga gjipsi, argjila e trashë, ose ndonjë copë gypi metalik. Filli i konopit vendoset në formë gjatësore në mill, që nga fundi gjer në krye, pastaj derdhet dhjami i shkrirë, dhe pasi të ketë pushuar e të jetë ngrirë dhjami tërësisht, e nxjerrim qiriun e gatshëm nga milli. | |
|