Mesvera

MESVERA NË SHARR: Ende sot shqiptarët krejt njëjtë sikur Orfeu para 3 mijë vitesh, nisen malit përpjetë që në mesnatë, sepse secili ka dëshirë dhe krenohet që të jetë i pari aty ta përshëndesë Diellin nga maja e malit.
- Aristidh Kolja shkruan: Orfeu, zgjohej pas mesnatës dhe ngjitej në të përpjetën e malit Pangjeo, dhe atje me lutje e me urime priste lindjen e diellit me sy të kthyera nga Lindja, sepse donte që të ishte ai i pari që të përshëndeste rikthimin e Diellit — Diaw.

Mesvera është kremte besëlashtë që i bie më 6 gusht, pasiqë në këtë datë është dita e fundit (e 45-ta) e muajit Korrik të kalendarit të Lashtë. Kjo kremte i kushtohet Zeusit, Zanave dhe Diellit. Kremtohet gjatë natës në maja malesh, ndërsa në agim, pritet lindja e diellit me të lutura.