Kekropi ishte hero pellazg, mbreti i parë i Atikës. Sipas legjendës ai themeloi Athinën mbi kështjellën e akropolit, kjo e fundit quhej edhe Kekropia. Në kohën e qeverisjes së tij ndodhi grindja mes Athenës dhe Poseidonit, për të zotëruar në atë vend. Kekropi i zgjedhur si arbitër për urtësinë e tij, e zgjidhi zënkën në favor të Athenës, sepse kjo e fundit nxori nga toka një pemë ulliri. Për nder të saj qyteti u quajt Athinë.
Kekropi solli në Atikë elementët e parë të qytetërimit. Ai u mësoi banorëve të qytetit shkrimin, hoqi flijimet në njerëz, etj. Në periudhën e zhvillimit të shtetit skllavopronar të Athinës, nën sundimin e strategut athinas Perikliut, u shpikën mitet e reja që bënin fjalë për qëndrimin e Kekropit në disa qytete të Greqisë, bile edhe në Egjipt. Me këto legjenda skllavopronarët e Athinës përpiqeshin të argumentonin pretendimet e tyre ekspansioniste në ato vende.
_________________
Mos i shko në qafë shoqit, nepi shkaf i përket, e jeto nierxisht. Mi kto âsht ngrehë ajo nertesë e madhnueshme qi i thonë shoqni, njeky âsht Kanuni i shoqnis! - Shtjefën Gjeçovi