FORUMI BESËLASHTË SHQIPTAR
Would you like to react to this message? Create an account in a few clicks or log in to continue.
FORUMI BESËLASHTË SHQIPTAR

Forumi i Bashkësisë Besëlashtë / Forumi i parë pagan shqiptar në internet / Mirë se vini / Regjistrohuni dhe mësoni më shumë rreth nesh
 
ForumForum  Latest imagesLatest images  RegjistrohuRegjistrohu  identifikimiidentifikimi  

 

 Kur ardianët bënin blatime në Dodonë

Shko poshtë 
AutoriMesazh
Sewaturand

avatar


Numri i postimeve : 55
Join date : 04/09/2017

Kur ardianët bënin blatime në Dodonë Empty
MesazhTitulli: Kur ardianët bënin blatime në Dodonë   Kur ardianët bënin blatime në Dodonë EmptyWed 11 Oct 2017, 11:37

Kur ardianët bënin blatime në Dodonë

Nga Salih Mehmeti - 10 Tetor, 2017, 10:31

Për hieroren e Dodonës është shkruar ndër mijëravjeçarë, edhe kur shekujt e gjatë të religjioneve monoteiste u përpoqën të shkulnin çdo rremb pagan.

Tradita e vjetërsisë ruan kujtimet sesi te orakulli i Dodonës bëheshin përshpirtje, pelegrinazhe e nxirreshin ogure, shkruan Konica.al.

Sellojtë, fisi që banonte përqark Dodonës dimërkeqe siç e quan Homeri, me gjasmë kishin një rremb të fortë ilir, ashtu sikundër të gjitha fiset e Epirit të moçëm.

Arkeologët kanë stivuar një mal evidencash të prekshme që flasin në të mirë të mendimit që fiset ilire të veriut vazhdonin të pelegrinonin gjatë tërë kohës në Dodonën e tyre.

Kur ardianët bënin blatime në Dodonë Dodo

Arkeologu amerikan Howard Fremont Stratton, që shërbente në departamentin e artit të Muzeut të Pensilvanisë, është një nga studiuesit e shumtë që pohon iliricitetin e këtij tempulli pagan.

Në studimin e tij ‘Dodona’, të botuar në vitin 1937, arkeologu amerikan mendonte se priftërinjtë e Dodonës i pranonin blatimet e shenjta të hiperboreanëve në Apolloni të Ilirisë.

Arkeologu grek Sotirios Dakaris përmend një të dhënë interesante: një mbishkrim votiv i larë në argjend, që nuk ishte veçse blatim për hieroren dodonase, mban emrin M. Gangrius Ardiaeus, për të cilin mendohet se duhet të ketë qenë nga fisi ilir i ardianëve. I datuar në shekullin e pestë para erës sonë, kjo e dhënë peshon kah mendimi se ilirët mbanin lidhje të kryehershme me hieroren në Epir.

Një shënim i Serviusit tregon diçka të çuditshme: ilirit Arkes i mveshet vepra e prerjes së drurit të shenjtë të tempullit, por kjo duket se ka të bëjë me një kohë kur kristianizmi po prozelitohej me të madhe.

Si e tillë kjo dëshmi është e dobët përballë fakteve që thonë se orakulli ilir vazhdoi funksionin e tij shpirtëror deri në gjysmën e dytë të shekullit të katërt të erës sonë.

©️ Salih Mehmeti | Konica.al

Burimet:

Sotērios I. Dakarēs, Archaeological Guide to Dodona, 1971, f.104
Howard Fremont Stratton, Dodona, 1937, f.35

http://konica.al/2017/10/kur-ardianet-benin-blatime-ne-dodone/

_________________
KLAOHI ZIS
Mbrapsht në krye Shko poshtë
 
Kur ardianët bënin blatime në Dodonë
Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
FORUMI BESËLASHTË SHQIPTAR :: Theologji :: Adhurime-
Kërce tek: