Çka përmban Besëlashta

Çka përmban Besëlashta?

1) Fetë tradicionale ( ilire, thrake, dake, pellazgo-jugore), këtu përfshihen perënditë e ilire e thrake, që edhe ashtu në shumicën e rasteve janë të njëjta me ndonjë ndryshim emri, pastaj e tërë mitologjia që njihet si greke në të vërtetë është e jona, mitologji pellazge.

2) Fetë filozofike (Platonizmi, Pitagorjanizmi), duke qenë se populli grek u mbrujt në botën pellazgo-ilire, duke qenë se përveç trashëgimisë fillestare pellazgo-ilire, ka pasur edhe huazime të mëvonshme në të gjitha fushat e jetës, duke qenë se Pythagora e kishte babain etrusk e nënën joniane nga Samosi, duke qenë se Pythagora mori shumë mësime nga thrakët, në veçanti theologjinë e numrave, vegjetarianizmin, rimishërimin etj., dhe duke qenë se shenjtorja jonë Hypatia ishte platoniste.

3) Fetë e mistereve, si p.sh. orfike, të Dionisit, Zalmoksit, Kabirëve, Eleusinës, Kalorësve, etj., të gjitha këto duhet të ringjallen sa më besnikërisht afër formës origjinale, sepse misticizmi është pasuria më e madhe e një feje.

4) Mitologjia e paganizmi shqiptar i mbijetuar nga paraardhësit, dhe i krijuar më vonë, me shtyllat kryesore si Epika Kreshnike, Kanunet, dhe Kalendari i Vjetër me Festat e Motmotit, por edhe besimet e shumëllojta në zana, orë, drangoj, kulshedra, etj. zakonet e lindjes, dasmës, vdekjes, ndërtimit të shtëpisë, etj.

5) Mbetje të fesë pellazgjike nëpër fe tjera sidomos në krishterim dhe bektashizëm, të tilla si kulti i majave malore, festat e motmotit, rituale të ndryshme që janë pandehur si abrahamike por që nuk kanë qenë të tilla, etj.

6) Ideja e Shqiptarisë, nga koha e Rilindjes, elementet që nuk bien në kundërshti me politeizmin sidomos elementet pagane, kombi shqiptar nuk është bashkim i ortodoksëve, katolikëve, muslimanëve e bektashive, përkundrazi kombi shqiptar rrezikon të ndahet nga këto fe. Kombi shqiptar ekziston para se fetë abrahamike të vinin këndej.

7) Interpretimin e shenjave hyjnore, që në të ardhmen do të bëhet veprimtari e organeve të posaçme orakullore, në kuadër të Bashkësisë sonë.